ПЕРСОНАЛЬНЫЕ - Аляксей Пысін

Вянок Аляксею Пысіну / укладальнік Віктар Артем'еў. – Магілёў : Могилевская областная укрупненная типография имени Спиридона Соболя, 2006. – 112 с.

Нацыянальны паэт Беларусі Аляксей Пысін прызнаны Майстар прыгожага беларускага пісьменства. Ягоная паэзія – з'ява ўнікальная і фенаменальная ў нашай літаратуры. Паэт, улюблёны ў Беларусь, за якую ён хадзіў на бітвы з ворагам, славіў яе самацветным "душой адбеленым" і "пяшчотаю прасветленым" словам.
У зборніку "Вянок Аляксею Пысіну" змешчаны ўспаміны вядомых пісьменнікаў пра А. Пысіна, вершы, прысвечаныя знакамітаму Майстру паэтычнага слова. Сваімі шчырымі радкамі ўсе яны намалявалі яркі партрэт Паэта, вернага сына сваёй Айчыны. Кожны, хто прачытае " Вянок", убачыць вобраз паэта-воіна, які аддаў увесь жар свайго сэрца людзям, падарыў ім свае таленавітыя кнігі.
"Вянок Аляксею Пысіну" прызначаны школьнікам старэйшага ўзросту, студэнтам вузаў, настаўнікам роднай мовы і літаратуры, краязнаўцам – увогуле шырокаму колу чытачоў, усім, хто любіць паэзію і свой край.

Хоміч, Т. П.  Мастацкая канцэпцыя чалавека i свету у лірыцы Аляксея Пысіна: манаграфія / Таццяна Пятроўна Хоміч. – Мінск: Бестпрынт, 2009. – 128 с.

У манаграфіі раскрываюцца ідэйна-эстэтычныя, быційна-філасофскія, духоўна-маральныя аспекты лірыкі Аляксея Пысіна – лаўрэата Дзяржаўнай прэмii Беларусі імя Янкi Купалы. Вывучаецца комплекс праблемна-тэматычных, вобразна-стылявых i жанрава-кампазіцыйных элементаў творчасці пісьменніка, якія вызначылі аснову яго мастацкай канцэпцыі чалавека i свету. Звяртаецца ўвага на маладаследаваныя у беларускім літаратуразнаўстве часава-прасторавыя адносіны, хрысціянскія матывы, праявы міфалагізму, што знайшлі ўвасабленне ў паэтычнай спадчыне А. Пысіна.

Кніга адрасуецца выкладчыкам ВНУ, настаўнікам беларускай мовы i літаратуры, студэнтам-філолагам.

Гарэлік, Л. М. Аляксей Пысін : нарыс жыцця і творчасці / Л. М. Гарэлік. – Мінск : Навука і тэхніка, 1981. – 144 с.

У творчасці лаўрэата Дзяржаўнай прэміі БССР імя Янкі Купалы Аляксея Пысіна найбольш поўна і выразна выявіліся пошукі, роздум і перажыванні аднага з паэтаў-франтавікоў. Фарміраванне яго творчай асобы, рост паэтычнага майстэрства разглядаюцца ў кантэксце агульнага развіцця сучаснай савецкай паэзіі з улікам індывідуальна-непаўторнага, бібліяграфічнага, франтавога і агульначалавечага вопыту.

Разлічана на шырокае кола чытачоў.

Магілёўшчына : з гісторыі краю і лёсу людзей: А.В. Пысін (1920–1981) : метадычныя парады публічным бібліятэкам вобласці. Выпуск 8 / УК "Магілёўская абласная бібліятэка імя У.І. Леніна" ; Аддзел маркетынгу і бібліятэказнаўчай работы ; [складальнік В. М. Батура]. – Магілёў, 2009. – 14 с.

Метадычныя рэкамендацыі прысвечаны таленавітаму паэту, заслужанаму работніку культуры БССР – Аляксею Васільевічу Пысіну. Яны змяшчаюць сцэнарныя распрацоўкі літаратурнага вечара "Аб вечным думаю", літаратурны конкурс "Ці ведаеце вы творчасць А.В. Пысіна".

Выданне будзе карысна бібліятэкарам, культработнікам, настаўнікам беларускай літаратуры, а таксама ўсім, хто цікавіцца жыццём нашых славутых землякоў.

Артем'еў, В. Паэт вузел завязаў : успаміны і роздум пра жыццё і творчасць А. В. Пысіна / Віктар Артем'еў. – Магілёў : Магілёўская абласная ўзбуйненая друкарня імя Спірыдона Собала. – 2008. – 46 с.

Зборнік "Паэт вузел завазаў" змяшчае ўспаміны і роздум пра жыццёвы і творчы шлях выдатнага беларускага паэта А.В. Пысіна, якімі шчыра дзеліцца з чытачом яго сябар і даследчык паэзіі Віктар Арцем’еў. Са старонак зборніка паўстае велічны вобраз паэта-чалавека, паэта-воіна, паэта-творцы, слаўнага сына беларускага народа.

Зборнік цікавы і карысны для вучняў старэйшага ўзросту і настаўнікаў школ, для студэнтаў і выкладчыкаў навучальных устаноў, для ўсіх, хто любіць беларускую паэзію.

Артем'еў, В. Урокі Аляксея Пысіна : гісторыі вершаў, нарысы / Віктар Артем'еў. – Магілёў : [б. в.]. – 46 с.

У кнізе змешчаны ўспаміны аўтара аб сяброўстве з таленавітым пісьменнікам Аляксеем Пысіным. Віктар Артем'еў расказвае аб момантах, калі паэт шчыра раскрываў сакрэты свайго майстэрства, часам наглядна дэманстраваў, як нараджаецца новы верш. Гэта былі своеасаблівыя ўрокі паэта, заняткі ў Пысінскім універсітэце.
Выданне прызначана шырокаму колу чытачоў, усім, хто цікавіцца творчасцю Аляксея Васільевіча Пысіна.

Бярозкін, Р. Лірыка сейбіта і салдата / Рыгор Бярозкін // Бярозкін, Р. Паэзія – маё жыццё : літаратурна-крытычныя артыкулы / Рыгор Бярозкін. – Мінск : Мастацкая літаратура, 1989. – С. 178-189.

Лірыка сейбіта і салдата

Не самы плённы, па-мойму, не самы ўдзячны клопат - абавязкова "вярстаць"" паэта да таго ці іншага пакалення, шукаць i знаходзіць яму трывалае месца ў абойме. Сказана ж, i не без сур'ёзных падстаў: паэт - равеснік yciм пакаленням. I ўсё ж бываюць выпадкі, калі паэта не зразумееш i не ацэніш як след, не высветліўшы яго разнастайныя сувязі з нейкай агульнай чалавечай i творчай супольнасцю. Такім, у прыватнасці, згуртаваным, моцна з'яднаным строем стаяць перад намі вельмі розныя, адзін на аднаго не падобныя паэты - воіны апошняй вайны...

Скачать файл(145 kb)

Лабаноўскі, Л. В. А. В Пысін : паэзія мужнасці і дабрыні / Л. В. Лабаноўскі // Лабаноўскі, Л. В. Землякі : гісторыя Краснапольшчыны ў асобах / Л. В. Лабаноўскі. – Мазыр : ТАА ВД "Белы вецер", 2004. – С. 228-232.

А.В Пысін: паэзія мужнасці і дабрыні

Аляксей Васільевіч Пысін родам з Краснапольшчыны. Нарадзіўся 22 сакавіка 1920г. У вёсцы Высокі Борак у сялянскай сям’і. У 1938г. паступіў у Камуністычны інстытут журналістыкі імя С.М. Кірава ў Мінску. З другога курса быў накіраваны на працу ў рэдакцыю бельскай раённай газеты на Беласточчыну. У 1941-1945гг. – у Чырвонай Арміі, удзельнічаў у баях на Заходнім, Калінінскім, Ленінградскім, 1-м і 2-м Прыбалтыйскіх франтах. Быў двойчы паранены. З 1946г. працаваў у раённым друку, у абласной газеце "Магілёўская праўда"...

Скачать файл (46,5 kb)

Бечык, В. Правам салдата і сейбіта / Варлен Бечык // Бечык, В. Свет жывы і блізкі : літаратурно-крытычныя артыкулы / Варлен Бечык. – Мінск : Мастацкая літаратура, 1974. – С. 73-81.

Правам салдата і сейбіта

Самае важнае і самае галоўнае, што можна сказаць пра лірычнага героя Аляксея Пысіна: ён – барацьбіт за жыццё, прыгожае ў сваім маральных асновах, адухаўленае чыстымі помысламі і высокімі імкненнямі, - за жыццё, вартае тых ідэалаў, у імя якіх ля Дняпра і Віслы, каля вялікіх гарадоў і "сотняў палявых баркоў", змагаліся і гінулі салдаты Вялікай Айчыннай.
Мабыць, кожны, хто пачынае чытаць вершы А. Пысіна, адразу адчувае іх высокі маральны пафас, іх асабліваю душэўную танальнасць...

Скачать файл(54 kb)

Хоміч, П.Т. Дыялектыка дабра і зла ў мастацкай канцэпцыі А. Пысіна / П.Т. Хоміч // Весці БДПУ . Серыя 1. Педагогіка. Псіхалогія. Філасофія. – 2008. - № 4. - С. 89–93.

Дыялектыка дабра і зла ў мастацкай канцэпцыі А. Пысіна

Паэтычная канцэпцыя чалавека і свету Аляксея Пысіна ўключае ў сябе самыя розныя аспекты быцця лірычнага героя i разам з тым раскрывае сацыяльную, духоўную, маральна-этычную сутнасць беларуса на значным (у кантэксце літаратурна-грамадскага працэсу) прасторава-часавым адрэзку – 60-70-я гады XX стагоддзя. Вынікам творчай дзейнасці паэта стала не толькі ўзноўленая ім панарама жыцця, але яшчэ i цэласная сістэма поглядаў на чалавека, яго месца ў свеце i сусвеце, асэнсаванне шляхоў рэпрэзентацыі сучаснікам духоўна-маральных каштоўнасных ідэалаў i жыццёвых арыенціраў, выпрацаваных продкамі...

Скачать файл (143 kb)

Гарадніцкі, Я. Ваенны досвед Аляксея Пысіна / Яўген Гарадніцкі // Лім. - 2009. - 18 верас. - С. 13 .

Ваенны досвед Аляксея Пысіна

Беларуская ваенная проза ў другой палове мінулага стагоддзя стала прыкметнай з’явай у сусветнай літаратуры. Яна змагла сказаць усяму свету на мове мастацкіх вобразаў пра беларусаў як жыццётрывалую нацыю, якая прайшла праз катаклізмы эпохі, захаваўшы свой духоўны, гуманістычны патэнцыял. Што такое ўвогуле чалавек, якімі ён валодае магчымасцямі ў супрацьстаянні глабальным пагрозам жыццю на зямлі – такія філасофскія і маральныя пытанні задавала беларуская проза, звяртаючыся да асэнсавання нядаўняга гістарычнага вопыту...

Скачать файл (44 kb)