ВИРТУАЛЬНЫЕ ВЫСТАВКИ - ПЕРСОНАЛЬНЫЕ

[Змест: "Над Бугам". "Андрэй Лятун", "Баян", "Сустрэчы", "ВасилькІ", "Дзіцячы башмачок", "Ірына", "Салют", "Пацалунак", "Кавалак хлеба", "Недапетыя песні" і інш.]

[Усенародную партызанскую барацьбу паказвае М. Лынькоў у рамане "Векапомныя дні". Гэта самы маштабны ў беларускай літаратуры твор аб партызанскай вайне на тэрыторыі Беларусі. Пісьменнік стварыў эпічныя вобразы радавых байцоў і кіраўнікоў партызанскага руху і падполля Канстанціна Заслонава, Платона Капушы, Мірона Пакрэпы, Арцёма Ляшчэні, Паўла Дубка, Васіля Саколіча, Вадзіма Слышэні, Надзеі Канапелькі, многія з якіх маюць сваіх прататыпаў (К. Заслонаў, Бацька Мінай, Саколіч — В. I Казлоў, Слышэня — І. Д. Варвашэня, Галя — А. Р. Мазанік). Разам узятыя, героі рамана ствараюць калектыўны вобраз народа-змагара, які не зламаўся, не стаў на калені перад ворагам.]

У кнігу ўключана ўсё самае значнае з яго творчай спадчыны — апавяданні, дзе найбольш ярка праявіўся талент пісьменніка, аповесці, нарысы, лісты да розных асоб.

Беларускаму пісьменніку Міхасю Лынькову давялося ў пасляваенныя гады некалькі разоў бывацъ у Злучаных Штатах Америки. Там ён непасрэдна сутыкаўся з рознымі з'явамі і фактамі характэрнымі для так званага амерыканскага вобраза жыцця, які амерыканская афіцыйная прапаганда распісвае, як самы перадавы, самы ўзорны, які быццам забяспечвае кожнаму амерыканцу свабоду, шырокія правы, высокі ўзровень жыцця.
А ў сапраўднасці мы бачым у гэтай краіне мільёны беспрацоўных, якія наогул не маюцъ даху над галавой. У краіне засілле манаполій у дзяржаўным і палітычным жыцці, расавая дыскрымінацыя, жорсткае праследаванне прагрэсіўных арганізацый. Духам чыстагана прасякнута ўсё: грамадскае жыццё, побыт, мараль, мастацтва, літаратура. Восъ аб гэтым непрыглядным амерыканскім вобразе жыцця і некаторых іншых з'явах зарубежной рэчаіснасці і расказвае аўтар кніжкі "За акіянам".

"Міколка-паравоз" — шырока вядомая аповесць пісьменніка Міхася Лынькова пра жыццё і прыгоды хлопчыка Міколкі, сына чыгуначніка.

[Раман "На чырвоных лядах" вяртае чытача ў беларускую вёску дакастрычніцкага часу.]

У кнігу народнага пісьменніка Міхася Лынькова (1899—1975) увайшлі лепшыя апавяданні, аповесці "Апошні зверыядавец", "Міколка-паравоз", урыўкі з рамана "На чырвоных лядах". Свет створаных М. Лыньковым вобразаў стракаты і шматаблічны. Пісьменнік абраў шлях глыбокага пранікнення мастака ў псіхалогію чалавека, у сферу пачуццяў і думак.

У кнігу народнага пісьменніка Беларусі ўвайшлі творы, якія былі напісаны ў розныя гады. Апавяданні М. Лынькова хвалююць суровай і велічнай рамантыкай барацьбы за ўладу працоўных у гады грамадзянскай вайны і ў гады нацыянальна-вызваленчага руху на тэрыторыі былой Заходняй Беларусі. З асаблівай сілай паказваецца высакародства і духоўная веліч простага чалавека ў яго стваральнай працоўнай дзейнасці. Праўдзіва і шчыра расказвае пісьменнік пра мужнае змаганне савецкага народа супраць фашысцкіх захопнікаў.

Арыгінальная па задумцы аповесць Міхася Лынькова аб сяброўстве медзведзяняці, казла і сабакі. Яны ў дні грамадзянскай вайны ўдзельнічаюць з атрадам чырвонаармейцаў у паходах, падбадзёрваюць байцоў сваімі дасціпнымі хітрыкамі, ідуць на фантастычныя подзвігі.

Творчасць пісьменніка Міхася Лынькова (1899—1975) добра вядома чытачам. У кнігу "Сустрэчы" ўвайшлі апавяданні "Над Бугам", "У вагоне", "Андрэй Лятун", "Ірына" і іншыя, а таксама класічная аповесць "Міколка-паравоз", прысвечаныя гераічнаму мінуламу нашага народа. Гэтыя і другія апавяданні і аповесці вабілі і вабяць чытача значнасцю праблематыкі, змястоўнасцю чалавечых характераў. Яны з цікавасцю чытаюцца і сёння.

У 14-ы том серыі "Залатая калекцыя беларускай літаратуры" ўвайшлі самыя значныя творы празаіка Міхася Лынькова, аднаго з самых вядомых творцаў сярэдзіны XX ст. Паводле прыроды свайго таленту — навеліст, сваімі апавяданнямі ён адгукаўся на падзеі сучаснасці, уносіў у іх рамантычны струмень, ахарошваў мяккім гумарам.

Адрасуецца шырокаму колу чытачоў, якое цікавіцца айчынным пісьменствам.

У зборнік пісьменніка М. Лынькова ўвайшлі аповесці "Міколка-паравоз", "Пра смелага ваяку Мішку і яго слаўных таварышаў", апавяданні "У вагоне", "Ядвісін дуб", "Пра хлопчыка Яську" і "Янка-парашутыст".