Навуковыя працы І.Я. Яшкіна прысвечаны даследаванням беларускай дыялекталогіі, лексікалогіі, гісторыі беларускай літаратурнай мовы, тэрміналогіі, анамастыкі, этнаграфіі, фалькларыстыкі.
Аўтар кандыдацкай дысертацыі – “Слаўгарадскія гаворкі (Узаемадзеянне рознадыялектных сістэм)”.
Аўтар прац “Беларускія геаграфічныя назвы. Тапаграфія. Гідралогія” (1971), “Узаемадзеянне рознадыялектных сістэм. Фанетыка” (1979).
Адзін са складальнікаў “Тлумачальнага слоўніка беларускай мовы” (т. 1–2, 1977–1978; т. 5, 1982), “Тураўскага слоўніка” (т. 1–4, 1982–1985).
Прымаў удзел у зборы матэрыялаў да “Дыялекталагічнага атласа беларускай мовы” у 1963 г., “Агульнаславянскага лінгвістычнага атласа” у 1964–1974 гг., зборы матэрыялаў, укладанні i выданні лінгвагеаграфічных артыкулаў “Лексічнага атласа беларускіх народных гаворак” у 5 тамах (1971–1985 i да 1998).
Удзельнічаў у выданні “Лексічнага атласа белаpycкіх народных гаворак” (“Раслінны i жывёльны свет” (т. 1, 1993); “Сельская гаспадарка” (т. 2, 1994); “Чалавек” (т. 3, 1996); “Побыт” (т. 4, 1997); “Семантыка. Словаўтварэнне. Націск” (т. 5, 1998), а таксама ў зборы матэрыялаў i распрацоўцы навуковых тэм “Лінгвістычны атлас Еўропы” (1985–1990), “Усходнеславянскія iзaгалосы” (1986–1991), “Слоўніка гаворак паўднёва-заходняй Віцебшчыны” (1986–1998), “Вывучэнне беларускіх, літоўскіх, польскіх i рускіх гаворак на тэрыторыі ўзаемадзеяння балтыйскіх i славянскіх моў” (1988–1990).