Меню

ПЛОТНІКАЎ БРАНІСЛАЎ АЛЯКСАНДРАВІЧ

(15.12.1940 г. Быхаў, Магілёўская вобласць, – 14.01.2005)

Беларускі мовазнавец. Доктар філалагічных навук (1981), прафесар (1982)

БІЯГРАФІЯ

Нарадзіўся 15 снежня 1940 г. у г. Быхаве Магілёўскай вобласці ў сям’і рабочых.
У 1946 г. апынуўся ў дзіцячым доме, які быў адкрыты ў Грудзінаўцы для пасляваенных дзяцей-сірот: яго бацька загінуў на фронце, а праз год памерла маці.
Пасля 9-га класа вучыўся ў рамесным вучылішчы № 12 г. Асбеста Свярдлоўскай вобласці (Расія). Скончыўшы яго, працаваў там, з перапынкам на службу ў Чырвонай Арміі, машыністам электравоза і працягваў вучобу ў вячэрняй школе (1960).
У 1964 г. паступіў на філалагічны факультэт Беларускага дзяржаўнага ўніверсітэта імя У.І. Леніна (цяпер “Беларускі дзяржаўны ўніверсітэт”).
У 1971 г. датэрмінова абараніў пад кіраўніцтвам прафесара А.Я. Супруна кандыдацкую дысертацыю “Дыстрыбутыўна-статыстычны аналіз адной лексічнай группы”.
У 1981 г. – доктарскую дысертацыю “Даследаванне лексічнага значэння шляхам квантытатыўнага аналізу дыстрыбутыўных уласцівасцей слова”, пасля чаго становіцца адным з вядучых семасіёлагаў не толькі ў Беларусі, але і за яе межамі.
1971–1998 гг. працаваў на кафедры тэарэтычнага і славянскага мовазнаўства філалагічнага факультэта Беларускага дзяржаўнага ўніверсітэта імя У.І. Леніна: выкладчыкам, старшым выкладчыкам, 1992–1993 гг. – загадчык кафедры, з 1996 г. – дэкан факультэта.
1992–1998 гг. – намеснік адказнага рэдактара IV серыі часопіса “Веснік БДУ”.
3 1998 г. – прафесар кафедры беларускай мовы і беларусазнаўства Акадэміі кіравання пры Прэзідэнце Рэспублікі Беларусь.
Памёр 14 студзеня 2005 г.

НАВУКОВАЯ ДЗЕЙНАСЦЬ

Галоўны аб’ект навуковых даследаванняў Б.А. Плотнікава – праблемы агульнага мовазнаўства, аб чым сведчаць вучэбныя дапаможнікі “Общее языкознание” (1983), “Семиотика текста. Параграфемика” (1992), “Агульнае мовазнаўства” (1994) і інш.
Б.А. Плотнікаў апублікаваў каля 200 навуковых прац, у тым ліку 20 кніг і асобных выданняў па праблемах агульнага мовазнаўства, славістыкі, русістыкі, беларусістыкі, арганізацыі навучальнага працэсу ў ВНУ. Яго манаграфічны вучэбны дапаможнік “Семиотика текста” (1992) шырока вядомы ў навуковых лінгвістычных колах.
Вялікую цікавасць у моваведаў выклікаюць манаграфіі “Основы семасиологии” (1984), у якой прааналізаваны галоўныя канцэпцыі і аспекты значэння, выяўлены асаблівасці семантыкі розных адзінак мовы, а таксама “О форме и содержании в языке” (1989), у якой усебакова асветлены пытанні моўнай формы i зместу.
У 1999 г. надрукаваў наватарскі вучэбны дапаможнік “Беларуская мова ў сістэме славянскіх моў”.
У 2000 г выходзіць яшчэ адна кніга – “Фанетыка і марфалогія беларускай мовы”.
Вялікую работу праводзіў і як арганізатар навукі – уваходзіў у склад некалькіх спецыялізаваных саветаў па абароне доктарскіх дысертацый, з’яўляўся старшынёй экспертнага савета па лінгвістычных дысцыплінах BAK Рэспублікі Беларусь.

УЗНАГАРОДЫ

  • Лаўрэат Дзяржаўнай прэміі Рэспублікі Беларусь (1998)

СПІС АСНОЎНЫХ ПРАЦ

  • Плотников, Б. А. Дистрибутивно-статистический анализ лексических значений / Б. А. Плотников. — Минск : Вышэйшая школа, 1979. — 132, [2] с.
  • Плотников, Б. А. Основы семасиологии : учебное пособие для филологических факультетов вузов / Б. А. Плотников. — Минск : Вышэйшая школа, 1984. — 220, [3] с.
  • Плотников, Б. А. Общее языкознание : семинарий: для филологических факультетов высших учебных заведений / Б. А. Плотников. — Минск : Вышэйшая школа, 1986. — 124, [2] с.
  • Плотников, Б. А. Дихотомическая лексикология / Б. А. Плотников, В. Ф. Трайковская. — Минск : Университетское, 1989. — 133 с.
  • Плотников, Б. А. О форме и содержании в языке / Б. А. Плотников. — Минск : Вышэйшая школа, 1989. — 252, [2] c.
  • Плотников, Б. А. Семиотика текста: параграфемика : учебное пособие для филологических факультетов высших учебных заведений / Б. А. Плотников. — Минск : Вышэйшая школа, 1992. — 188, [2] с.

Глядзець таксама:

  • Беларускае мовазнаўства : бібліяграфічны паказальнік : 1825—1965 / Акадэмія навук Беларускай ССР, Фундаментальная бібліятэка імя Я. Коласа ; [складальнікі: А. Д. Васілеўская [і інш.] ; рэдактар Л. М. Шакун]. — Мінск : Навука і тэхніка, 1967. — 415 с.
  • Беларускае мовазнаўства : бібліяграфічны паказальнік : 1966—1975 / Акадэмія навук Беларускай ССР, Фундаментальная бібліятэка імя Я. Коласа ; [складальнікі: А. Д. Васілеўская, Я. М. Рамановіч ; рэдактар М. В. Бірыла]. — Мінск : Навука і тэхніка, 1980. — 350, [2] с.
  • Беларускае мовазнаўства : бібліяграфічны паказальнік : 1976—1985 / АН Беларусі, ЦНБ імя Я.Коласа ; [складальнікі: А. Д. Васілеўская, Я. М. Рамановіч ; уступны артыкул Л. М. Шакуна]. — Мінск, 1993. — 558 с.
  • Методыка выкладання беларускай мовы : бібліяграфічны паказальнік : 1969—1990 / складальнік М. С. Лукашус ; рэдактар В. У. Протчанка. — Мiнск : Вышэйшая школа, 1993. — 109 с.
  • Беларускае мовазнаўства : бібліяграфічны паказальнік : 1986—1991 / [складальнікі: А. У. Каратышэўская, А. У. Траццякова]. — Мінск : Беларуская навука, 2004. — 484 с.

КРЫНІЦЫ

Асноўныя:
  • Плотнікаў Браніслаў Аляксандравіч / складальнік І. К. Германовіч [і інш.] // Беларускія лінгвісты – ураджэнцы Магілёўшчыны. — 2001. — С. 73—75 : фота.
  • Плотников Бронислав Александрович // Республика Беларусь :  энциклопедия : в 6 т. / главный редактор Г. П. Пашков. — Минск, 2008. — Т. 6 Пейзаж — Снегирев. — С. 107.

Дадатковыя:

Установа культуры «Магілёўская абласная бібліятэка імя У.І. Леніна»
Copyright © 2023