Нарадзілася 2 студзеня 1949 г. у г. Клімавічы Магілёўскай вобласці.
У 1972 г. скончыла Кіргізскі дзяржаўны ўніверсітэт па спецыяльнасці “Руская мова і літаратура”.
1981 г. – аспірантуру Інстытута мовазнаўства Акадэміі навук СССР (спецыяльнасць “Тэорыя мовы”). У гэтым жа годзе прысуджана вучоная ступень кандыдата філалагічных навук.
У 1982 г. прысвоена вучонае званне дацэнта.
1989–1991 гг. – дактарантура Беларускага дзяржаўнага ўніверсітэта імя У.І. Леніна (цяпер “Беларускі дзяржаўны універсітэт”) (спецыяльнасць “Агульнае мовазнаўства”).
У 1992 г. прысуджана вучоная ступень доктара філалагічных навук.
У 1997 г. – вучонае званне прафесара.
1972–1982 гг. працавала на розных пасадах (выкладчык, старшы выкладчык, дацэнт) у Ошскім дзяржаўным педагагічным інстытуце (цяпер УА “Ошскі дзяржаўны педагагічны ўніверсітэт імя А. Мырсабекава”).
1982–1995 гг. – дацэнт Віцебскага дзяржаўнага ўніверсітэта імя П.М. Машэрава, з 1995 г. – прафесар.
З 2019 г. – прафесар кафедры замежных моў і міжкультурных камунікацый Віцебскага філіяла Міжнароднага ўніверсітэта “МІПСА”.
Намеснік галоўнага рэдактара ў маскоўскім часопісе “Веснік РУДН”. Член міжнароднага рэдакцыйнага савета ў шэрагу часопісаў Расіі: “Філалагічныя навукі”, “Веснік Саратаўскага універсітэта”, “Жанры гаворкі”.