ВИРТУАЛЬНЫЕ ВЫСТАВКИ - ТЕМАТИЧЕСКИЕ

Гэта – незвычайная кніга, своеасаблівы падручнік па гісторыі роднай Беларусі. Вядомыя празаікі, паэты нашай краіны знаёмяць чытача з багатай і цікавай гістарычнай спадчынай нашай Бацькаўшчыны, са знакамітымі людзьмі Беларусі.

В сборник включены повести и рассказы современных писателей, посвященные истории, уникальной культуре и богатым традициям древних славян, суровым реалиям Великой Отечественной войны, проблемам современного общества и места в нем человека.
Увлекательные исторические повести Натальи Голубевой "Радимичи" и "Земля непокоренная" посвящены нашим далеким предкам. Столетия суровой жизни сформировали у наследников легендарного Радима могучий, непобедимый дух и чистоту сердца, подготовили духовную основу для потомков, живущих на этой земле.

Любоў да Радзімы – адна з галоўных тэм лірыкі Максіма Багдановіча. У вершы "Слуцкія ткачыхі" – адным з лепшых яго твораў – уваскрашаецца далёкае феадальнае мінулае Беларусі, паказваецца паднявольная праца слуцкіх ткачых у час прыгону. Паэт вельмі часта ў сваёй паэзіі звяртаецца да мінуўшчыны. Прыкладам гэтага з'яўляюцца вершы "Пагоня", "Кніга", "Нашых дзедаў душылі абшары лясоў"… Па-рознаму бачыцца мінуўшчына аўтару.

Гэтую кнігу без сумніву можна назваць энцыклапедыяй, даведнікам жыцця беларускага народу, яго фальклору, культуры, традыцый. У вельмі даступнай і часта дасціпнай форме аўтар паказвае вераванні жыхароў паўночнай Беларусі, іх спрадвечную прагу да лепшага і адвечную долю гаротнікаў. Гісторыі, пераказваемыя з вуснаў у вусны, з пакалення ў пакаленне, пераўтварыліся ў легенды, міфы, паданні. Апавяданні старых пра розныя здарэнні ў іх народных аповесцях, якія перайшлі ад чалавека да чалавека са старадаўніх часоў, былі для аўтара гісторыяй гэтай зямлі, характару і пачуццяў беларусаў.

У кнігу ўвайшлі цалкам кнігі Багушэвіча "Дудка беларуская" і "Смык беларускі", вершы розных гадоў, публіцыстыка, лісты да розных асоб, а таксама паэма-прытча, іншасказальнае апавяданне з павучальным вывадам "Калі краіна не будзе мець фармальна зафіксаванага імя, а народ і людзі не будуць ведаць, хто яны – кепска будзе".

У кнізе змешчаны вядомыя творы класіка беларускай літаратуры, прысвечаныя Радзіме. Менавіта яна, Радзіма паўстае ў двух часавых пластах, Беларусі старой і Беларусі сённяшняй. Героіка-патрыятычная паэма "Безназоўнае" адлюстроўвае нацыянальнае дзяржаўнае будаўніцтва Беларусі, духоўнае самасцвярджэнне беларускага  народа У паэме Янка Купала адгукнуўся на падзеі, што адбываліся на Беларусі ў 1920-я гады – уваходжанне ў склад Беларусі тэрыторый Віцебскай, Гомельскай і Смаленскай губерняў.

Кнігу склалі творы розных гадоў: вершы і паэмы-песні, у тым ліку паэма "Мы родам з вайны", напісаная паводле матываў народных легенд. Асэнсаванне гістарычнага шляху, які прайшоў беларускі народ, памяць пра гады змагання і гераізму, імкненне да веры – асноўныя матывы творчасці Таісіі Бондар.

Гэта кніга – шчымлівы боль пісьменніка за лёс роднай краіны, лёс усяго народу, роднай мовы. І разам з тым – шчымлівае неадольнае пачуццё духоўнай сувязі з роднай зямлёю, з усім тым, што на ёй адбываецца, а галоўнае – з тымі пераменамі, якія там набіраюць сілы, з'яўляюцца вестунамі адраджэння дарагой сэрцу Беларусі.

Асаблівае месца сярод кветак у беларускай літаратуры займае шыпшына. Першае яе месца вызначыў Уладзімір Дубоўка. Расліна мае шыпы і сімвалізуе сілу роднай зямлі. Вершы паэта прасякнуты верай у нязломнасць народнага духу, упэўненасцю ў перамогу над усім варожым.

У кнігу ўвайшлі тры аповесці – "Дом з блакітнымі аканіцамі", "Жыта ганьбу не заслоніць", "Па Сеньку і шапка". У першай з іх на складаным лёсе сялянскай сям'і ўзняты праблемы сучаснасці, глыбока даследаваны даўнія падзеі. З гэтага ж шэрагу і наступны твор кнігі. У трэцяй аповесці "Па Сеньку і шапка" раскрываецца трагічны лёс пасляваеннай вёскі.

У кнігу ўвайшлі паэтычныя творы, якія даўно сталі класікай беларускай літаратуры: "Машэка", "Быў. Ёсць. Буду…", "Беларуская песня", "Зямля дзядоў" і інш. Яны вызначаюцца рамантычнай узнёсласцю і грамадзянскай страснасцю, нечаканай вобразнасцю і глыбінёй зместу.

У зборнік увайшлі раман "Трэцяе пакаленне" – адзін з найбольш вядомых твораў Кузьмы Чорнага і апавяданні "Макаркавых Волька", "Вераснёвыя ночы", "Маленькая жанчына". Творы прысвечаны тэме сацыялістычнага будаўніцтва. Напісаныя ў неспрыяльных умовах 30-х гадоў ХХ ст. (напярэдадні масавых рэпрэсій), яны з'яўляюцца сугучнымі эпосе, калі выкрываліся перажыткі капіталізму ў свядомасці людзей.

У кнізе ўраджэнца Кіраўскага раёна адлюстраваны падзеі і канфлікты так званага перабудовачнага часу, пасля развалу вялікай краіны СССР. У мутнай вадзе часу ценевікі спрабавалі спаймаць "залатую рыбку". Праз здейсненыя, ці няздейсненыя ўчынкі, выказаныя, ці замоўчаныя словы, аўтар раскрывае характар героя.

В книгу известного белорусского драматурга Алексея Дударева вошли киноповести, по которым фильмы уже сняты и стали легендарными, такие как "Белые Росы", а также те, которые еще ждут своего экранного воплощения и представляют интерес как литературные произведения, написанные специально для кино. Автор в трагикомичной форме показывает наступление урбанизации на традиционный уклад белорусской деревни, в которой живут главные герои.

Кніга прозы, паэзіі і дакументалістыкі – калектыўная праца сучасных беларускіх пісьменнікаў пра гісторыю і сучаснасць роднага краю, шчырых і працавітых людзей, нашу маляўнічую прыроду.

У кожнага чалавека ёсць мясціна, дзе ён нарадзіўся. Для некага гэта вёска ці мястэчка, а для некага – горад. І з гэтых дарагіх і любімых кожнаму з нас мясцін складаецца наша Радзіма – Беларусь.
Калектыўны зборнік паэзіі прымеркаваны да Года малой радзімы. Пад адной вокладкай змешчаны вершы творцаў розных пакаленняў: Канстанцыі Буйло, Пятруся Броўкі, Пімена Панчанкі, Максіма Танка, Уладзіміра Караткевіча, Рыгора Барадуліна, Яўгеніі Янішчыц, Міколы Маляўкі, Міхася Пазнякова…

Імя Міхася Пазнякова, ураджэнца Быхаўшчыны, добра знаёма шырокаму чытацкаму і літаратурнаму колу як у Беларусі, так і за яе межамі. У гэтай кнізе прадстаўлены яго лепшыя вершы грамадзянскага гучання, творы, прысвечаныя Беларусі, малой радзіме, роднай вёсцы, бацькам, землякам. Апошні раздзел кнігі склалі лепшыя ўзоры любоўнай лірыкі.