Выберите интересующий Вас раздел:

Кнігі А. В. Пысіна для дзяцей

Столькі сонца,
Гукаў, гулу
Сёння ёсць, паўторыцца пасля,
І мяне на свет жыццё гукнула
Каб яму служыў я за пасла.
Аляксей Пысін

На выставе прадстаўлены выданні Аляксея Васільевіча Пысіна для дзяцей
з кніжных фондаў УК "Магілёўская абласная бібліятэка імя У.І. Леніна".

 

Пысін, А. Матылёчкі - матылі / Аляксей Пысін. – Мінск : Дзяржаўнае выдавецтва БССР, Рэдакцыя дзіцячай і юнацкай літаратуры, 1962. – 30 с.

На зялёным квяцістым лузе лётаюць матылі. На галінцы вярбы віднеюцца жоўценькія коцікі, удалечыні сінее рэчка. Каля яе з вудамі стаяць малыя рыбакі і ловяць рыбу.
Дзівосны, невядомы дагэтуль свет адкрывае паэт дзецям. Ён вучыць іх любіць працу, родную прыроду, сваю Радзіму.
Змест:

  • Ці маленькі самалёт;
  • Белы адуванчык;
  • Пісьмо птушак;
  • Якія бываюць дажджы;
  • Сіняя бальніца (казка)…

 

Пысін, А. Аляксей, Дзяніс, Алёнка : вершы, паэмы / Аляксей Пысін ; [мастак В. Бароўка]. – Мінск : Юнацтва, 1984. – 48 с. - (Мая першая кніжка).

Казярог. Паэма-казка

...Сябры з дыверсіі вярталіся,
З дубамі, соснамі віталіся.
Сам камандзір стаў перад строем,
Падзяку абвясціў героям.
А дзед казла хваліў як мог:
- Прынёс ты ўдачу, Казярог! -
І сем Казлоўскіх,
Два Казловы
Казла віталі добрым словам…


 

Пысін, А. Вясёлка над плёсам / Аляксей Пысін ; [мастак Ю. Пучынскі]. – Мінск : Беларусь, 1964. – 48 с.

Вясёлка над плёсам
Ад пасёлка да пасёлка
Ехаў гром.
Заірдзелася вясёлка
Над Дняпром.
Гэта – арка, гэта - арка
Да нябёс.
А пад аркай ходзіць хмарка,
Плешча плёс.
Яркіх колераў багата –
Сем якраз.
Што за свята, што за свята
Сення ў нас?
Дожджык добры, працавіты
Сення быў.
І пшаніцу ён і жыта
Напаіў.

 

Пысин, А. Сколько в небе солнышек? : стихи / Алексей Пысин ; пер. с бел. А. Чернов ; художник М. Бублевой. – Минск : Детская литература, 1983. – 64 с. ил.

Сборник стихов А. В. Пысина (1920-1981), лауреата Государственной премии БССР, адресован школьникам начальных классов. В книгу вошли короткие стихи о природе и ребятишках, забавные сказки и поэма "Ковылек".

Ручееек

Быстрый – быстрый ручеёк
Мчит под горку сквозь лесок!
Ручеёк, не спеши!
Свои ножки покажи!

 

Пысин, А. Ковылёк / Алексей Пысин ; пер. с бел. М. Баскина, Г Лазуркина ; художник А. Волков. – Минск : Мастацкая літаратура, 1973. – 18 с.

Ковылёк

Расскажу я вам, ребята,
Да не сказку, а быль,
А вы знаете, ребята,
Что такое ковыль?
Рос когда-то он повсюду
На безмолвной целине.
А рассказ мой про верблюда,
Про верблюда на войне…


 

Пысін, А. Колькі сонцаў : вершы і паэмы / Аляксей Пысін ; [мастак Я. Жыліна]. – Мінск : Мастацкая літаратура, 1979. – 79 с.

Колькі сонцаў?

Я да цёткі ездзіла ў сяло
Там з-за лесу сонейка ўсплыло.

А была ў бабулькі ў гасцях,
Узнялося сонца там, дзе шлях.

Сонца ў нас – усходзіць з-за гары,
Колькі ж сонцаў? Мабыць, тры.


 

Пысін, А. Дзяўчынка Марыям / Аляксей Пысін ; мастак А. Грубіна. – Мінск : Беларусь, 1970. – 22 с.

***
Адыход
Красавіка,
А на дрэвах –
Ні лістка.
Гэта ў нас. А вось на поўдні
Зелені і кветак поўна.
Быццам дываны пасланы –
Ярка ўспыхнулі цюльпаны.

Можа трэба вам букет?
Прыязджайце у Ташкент:
Тут Дзяўчынка Марыям
Кветкі паднясе
Сябрам.…