ВИРТУАЛЬНЫЕ ВЫСТАВКИ - ПЕРСОНАЛЬНЫЕ

Багдановіч, М. Вянок : кніжка выбраных вершоў : факсімільнае выданне / Максім Багдановіч. – Вільня : Друкарня Марціна Куты, 1913. – 117 с.

ВЯНОК НА МАГІЛУ
С. А. ПОЛУЯНУ
(† 8 КРАСАВІКА 1910 Г.)

Вы, хто любіце натрапіць
Між страніц старых, пажоўклых
Кнігі, ўжо даўно забытай,
Блеклы, высахшы лісток, —
Праглядзіце гэты томік:
Засушыў я на паперы
Краскі, сьвежые калісьці,
Думак шчырых і чуцьця.

Багдановіч, М. Поўны збор твораў : у 3 т. / Максім Багдановіч. – Мінск : Навука і тэхніка, 1991 -
Т. I. Вершы, паэмы, пераклады, наследаванні, чарнавыя накіды. – 1991. – 752 с., [4] л. іл.

Выданне ўключае ўсе вядомыя вершы, апавяданні, пераклады, літаратурна-крытычныя і публіцыстычныя артыкулы, чарнавыя накіды і пісьмы М. Багдановіча.
Пры падрыхтоўцы выдання складальнікамі праведзена вялікая работа па ўстанаўленні аўтарства паасобных твораў, якія прыпісваюцца М. Багдановічу. Удакладнены даты напісання і крыніцы першай публікацыі твораў, выпраўлены недакладнасці і друкарскія памылкі, значна пашыраны гісторыка-тэксталагічны і рэальны каментарый.
Да кожнага раздзела падаюцца літаратурна-крытычныя артыкулы, у якіх дэталёва прааналізавана шматгранная спадчына М. Багдановіча.
Упершыню ў выданне ўключаны "Летапіс жыцця і творчасці" М. Багдановіча.
У аснову Збору твораў пакладзены жанрава-храналагічны прынцып:

• першы том — вершы, пераклады, чарнавыя накіды і раздзел "Dubia" (вершы, якія прыпісваюцца М. Багдановічу);
• другі том — мастацкая проза, пераклады, літаратурная крытыка і гісторыка-даследчьія працы, а таксама раздзел "Dubia" (проза);
• трэці том — мастацкая публіцыстыка, пісьмы, раздзел "Dubia" і "Летапіс жыцця і творчасці".

Багдановіч, М. Выбраныя творы / Максім Багдановіч ; укладанне Святланы Забродскай [і інш.] ; уступыя словы Ніла Гілевіча і Алеся Бяляцкага. – Мінск : Беларускі кнігазбор, 1996. – 494 с., [4] л. іл. – (Мастацкая літаратура).

У аднатомнік класіка беларускай літаратуры ўвайшлі ўсе найбольш значныя яго творы. Яны даюць добрае ўяўленне пра вельмі прывабны воблік гэтага выдатнага паэта, пра яго незвычайны талент.

• Санет;
• Зімовая дарога;
• Мяжы;
• Ліст да п. В. Ластоўскага;
• Пагоня;
• Краю мой родны! Як выкляты Богам;
• Раманс...

Багдановіч М. Зорка Венера : творы / Максім Багдановіч ; укладанне і прадмова Анатоля Клышкі. – Мінск : Мастацкая літаратура, 1991. – 462 с. : іл.

У кнігу ўвайшлі выбраныя творы класіка беларускай літаратуры Максіма Багдановіча розных гадоў:

• Чуеш гул? - Гэта сумны, маркотны лясун...;
• Прывет табе, жыццё на волі;
• Слуцкія ткачыхі;
• Дзве смерці;
• Вераніка;
• Над магілай;Белым кветам адзета каліна;
• Народ, Беларускі Народ!...;
• Максім і Магдалена;
• У краіне светлай, дзе я ўміраю...

Багдановіч, М. Краю мой родны! : вершы, казкі : для малодшага і сярэдняга школьнага ўзросту / Максім Багдановіч ; мастак М. С. Басалыга. – Мінск : Юнацтва, 1999. – 190 с. : іл.

Вершы класіка беларускай літаратуры Максіма Багдановіча вызначаюцца сваёй паэтычнасцю, шчырасцю, глыбокім пранікненнем у духоўны свет чалавека. А колькі праніклівасці, народнай мудрасці ў казцы "Мушка-зелянушка і камарык – насаты тварык!"

Блізка рэчкі Самацечкі камары таўкуцца,
I "таўкачыкі" спяваюць i y скокі тнуцца:
"Гэй, гоп, таўкачыкі,
Гэй, гоп, асінавы,
Ды работы Максімавы..."
A Максім ляжыць на траўцы, сонна пазірае,
Камарок за камарочкам да яго шыбае,
I пясняр з усіх найлепшых ўжо звініць ля вуха,
Як камарыка няўмысне загубіла муха.

Багдановіч, М. Маладыя гады : выбранае / Максім Багдановіч ; укладанне, біяграфічная даведка Э. А. Золавай. – Мінск : Мастацкая літаратура, 2001. – 335 с. – (Беларуская паэзія XX стагоддзя).

Творчасць Максіма Багдановіча напоўнена вобразамі-сімваламі роднага краю. Вершы паэта вызначаюцца гармоніяй думкі і пачуцця, тонкай музычнай мілагучнасцю. У кнігу ўвайшлі вершы, пераклады, наследаванні, чарнавыя накіды.

З чарнавых накідаў

• Залілось, слязьмі быццам, зоркамі...
• Ноч імглою сізай землю аблівае...
• Бывае, вада перапоўніць...
• Ўсё ў жыцці мне даўно ўжо абрыдла...
• Тая крыніца, што раньш к акіяну нясла свае хвалі...
• Халодная, ясная ноч...

Багдановіч, M. Інтымны дзённік : выбраныя творы / Максім Багдановіч ; укладальнік Уладзімір Сіўчыкаў ; прадмова Рыгора Барадуліна ; мастак Арлен Кашкурэвіч. – Мінск : Радыёла-плюс, 2006. – 528 с. : іл.

Я хацеў бы спаткацца з Вамі на вуліцы
У ціхую сінюю ноч
I сказаць:
"Бачыце гэтыя буйныя зоркі,
Ясныя зоркі Геркулеса?
Да іх ляціць нашае сонца,
I нясецца за сонцам зямля.
Хто мы такія?
Толькі падарожныя, – папутнікі сярод нябёс.
Нашто ж на зямлі
Сваркі і звадкі, боль і горыч,
Калі ўсе мы разам ляцім
Да зор?".

Багдановіч, М. Шыпшына : вершы, апавяданні, нарысы, крытыка, публіцыстыка : для сярэдняга і старэйшага школьнага ўзросту / Максім Багдановіч ; укладальнік С. Панізнік ; аўтар уступнага артыкула Н. Гілевіч. – Мінск : Юнацтва, 1991. – 238 с., [1] л. партр. : іл. – (Школьная бібліятэкака).

У зборніку класіка беларускай літаратуры Максіма Багдановіча прадстаўлена лірыка, пераклады з Пушкіна, Гейнэ, Верлена і іншых майстроў мастацкага слова, крытыка, публіцыстыка.
Апавяданні і нарысы 1907-1916:

• Музыка;
• Апокрыф;
• Марына;
• Гарадок;
• Вясной;
• Сон-трава:
• Мадонна...

Багдановіч, М. Цвяток радзімы васілька... : вершы / Максім Багдановіч ; укладальнікі Віктар Ліўземніек i Рыгор Барадулін ; уступныя словы Андрыса Веяна і Рыгора Барадуліна ; пераклад на латышскую мову Андрыса Веяна і Віктара Ліўземніека. – Мінск : Мастацкая літаратура, 1992. – 155с.

У кніжку "Цвяток радзімы васілька..." ўвайшлі ўзоры лірыкі класіка навейшай беларускай літаратуры Максіма Багдановіча (1891-1917) у арыгінале і ў перакладзе на латышскую мову Андрыса Веяна і Віктара Ліўземніека.

За гады жыцця паэзіі Максіма Багдановіча выйшла шмат кніг на розных мовах. Гэтая кніжыца чарговая, не апошняя. У ёй добра перагуквацца дзвюм мовам – беларускай, багдановічаўскай, і латышскай, райнісаўскай. Няхай гучаць. Жыве Беларусь! Lai dzlvo Latvija!

Багдановіч, М. Вершы : вершы / Максім Багдановіч ; уступны артыкул Ніл Гілевіч ; мастак М. Ц. Гуціеў. – Мінск : Народная асвета, 1973. – 224 с. : іл. – (Школьная бібліятэкака).

У зборнік уключаны лепшыя творы паэзіі Максіма Багдановіча аб прыгажосці прыроды, жыцці працоўнага народа, яго змаганні за лепшую долю.

Беларусь, твой народ дачакаецца
Залацістага, яснага дня.
Паглядзі як усход разгараецца,
Сколькі ў хмарках залётных агня...

Багдановіч, М. Мушка-зелянушка і камарык – насаты тварык : вельмі жаласная гісторыя, выкладзеная згодна з праўдай беларускім вершам / Максім Багдановіч ; мастак Генадзь Сянькоўскі. – Мінск : Мастацкая літаратура, 2009. – 15 с. : іл.

Паэма "Мушка-зелянушка і камарык — насаты тварык" — яскравае сведчанне шматграннага таленту Багдановіча. Да чаго паэт ні дакранаецца, вынікаюць мастацкія перлы, шэдэўры. У гэтым выпадку маем бліскуча апрацаваны сюжэт, які можна лічыць уласным творам паэта, напісаным паводле фальклорных матываў.
Гэта яскравы ўзор народнай смехавой культуры, дзе, аднак, праяўляецца творчая асоба паэта, ягонае майстэрства індывідуальнай псіхалагізацыі. Да народнага, да фальклорна-родавай эстэтыкі Максім Багдановіч ішоў з вопытам індывідуальнай псіхалагічнай культуры, уменнем у масавым, сумарным, безаблічным бачыць асобу, індывідуальнасць.

Прыляцела мушка дахаты, —
Аж у яе камарык насаты.
Сватоўя-хрушчы уссядаюць,
3 бацькам-маткай штось размаўляюць:
"Мы — стральцы, шукаем куніцу,
He куніцу, але дзявіцу".

Багдановіч, М. Беларускае адраджэнне : літаратурныя артыкулы / Максім Багдановіч ; прадмова У. М. Лазоўскага. – Мінск : Універсітэцкае, 1994. – 32 с.

У брашуры змешчаны літаратурныя артыкулы М. Багдановіча "Кароткая гісторыя беларускай пісьменнасці да XVI сталецця" (1911) І "Бепорусское возрождение" (1914), якія не страцілі сваёй навуковай вартасці і сёння, калі беларускае народнае адраджэнне сапраўды стала рэальнасцю. Ім папярэднічае прадмова прафесара Белдэяржуніверсітэта У. М. Лазоўскага.

Разлічана на шырокае кола чытачоў, усіх, хто цікавіцца гісторыяй беларускага культурнага адраджзння.