Бабруйск, горад абласнога падпарадкавання, цэнтр раёна. Вузел чыгуначных ліній на Асіповічы, Жлобін, Акцябрскі і аўтадарог у Мінск, Гомель, Магілёў, Калінкавічы, Рагачоў, Слуцк. Порт на р. Бярэзіна.
У пісьмовых крыніцах упершыню ўзгадваецца у 1387 г. Летапісныя назвы Бобровск, Бобруеск, Бобрусек. У ВКЛ цэнтар воласці, меў Магдэбургскае права. Горад пацярпеў ад крымскіх татараў (1502—1503), асады (1648—1651), ад казакаў (1655, 1665).
1540 г. – упершыню пазначаны на геаграфічнай карце Еўропы.
1565 г. – Бабруск і воласць уваходзілі ў склад Рэчыцкага павета Мінскага ваяводства. Вядомы як вялікакняжацкае ўладанне, потым валоданне Радзівілаў, Гаштольдаў, Трызнаў, Пацаў і інш.
Пасля другога падзелу Рэчы Паспалітай (1793) казённае мястэчка. Цэнтр Бабруйскага павета (1795). Акупіраваны польскім корпусам Ю.Р. Доўбар-Мусніцкага і войскамі кайзераўскай Германіі (1918), польскімі войскамі (1919—1920).
У перадваенныя гады адзін з буйных прамысловых і культурных цэнтраў БССР.
У Вялікую Айчынную вайну акупіраваны гітлераўцамі (28.06.1941– 29.06.1944).
Цэнтр Бабруйскай вобласці (1944—1954).
Сучасны Бабруйск – прамысловы горад, цэнтр культуры; тут праводзяцца фестывалі, захаваліся помнікі архітэктуры рознага часу.
Літаратура:
- Бабруйск [Выяўленчы матэрыял] = Бобруйск = Bobruisk / рэдкалегія : [А. В. Маркачоў і інш.] ; пад агульнай рэдакцыяй Д. М. Боханава. — Мінск: Чатыры чвэрці, 2012. — 255 с.
- Беларусь. Песня вереска древней земли / составитель С. М. Бурыгин. — Москва, 2011. — С. 132—138.
- Гарады і вёскі Беларусі : энцыклапедыя : у 10 т. / рэдкалегія : Г. П. Пашкоў (дырэктар) і інш. — Мінск, 2008. — Т. 5. Кн. 1. — С. 141—152.
- Князева, В. М. Падарожжа па Беларусі. Гарады і гарадскія пасёлкі. / В. М. Князева. — Мінск, 2005. — С. 199—202.
- Памяць : гісторыка-дакументальная хроніка Бабруйска / галоўны рэдактар У. І. Лемяшонак. — Мінск: Вышэйшая школа, 1995. — 765 с.
- Рэспубліка Беларусь. Вобласці і раёны : энцыклапедычны даведнік / аўтар-складальнік Л. В. Календа. — Мінск, 2004. — С. 374—377.