Мікалай Нікіфаравіч Мінчанка скончыў Жытомірскі педінстытут (1968).
Працаваў загадчыкам Кавалёўскага сельскага клуба, служыў у войску.
1969 г. – працаваў фотакарэспандандэнтам, літработнікам, загадчыкам аддзела пісем у Клімавіцкай газеце "Новае жыццё".
1971 г. – рэдактар Клімавіцкага радыёвяшчання.
1981 г. –адказным сакратар у Клімавіцкай газеце.
1988 г. – галоўны рэдактар Клімавіцкай газеты "Новае жыццё".
Узначальваў літаб'яднанне "Зарніцы".
Яго вершы друкаваліся ў газетах "Звязда" і "Чырвоная змена", часопісе "Маладосць". Вершы ўвайшлі ў калектыўны зборнік "Галасы Прыдняпроўя", "Адданасць", "Дняпроўскія хвалі", "Прыдняпроўе – маё натхненне".
Аўтар паэтычных кніг "Зялёны звон", "Давер", "Ліпацвет". Асноўныя матывы яго паэзіі – народная напеўнасць, чысціня гучання.
Лаўрэат прэміі Ленінскага камсамола Магілёўшчыны за 1977 г.
Жыве ў Клімавічах.Літаратура:
- Дуктаў, У. 60 год Мікалаю Мінчанку / У. Дуктаў // Зямля і людзі. — 2002. — 6 сакавіка. — С. 12.
- Мінчанка Мікола // Беларуская энцыклапедыя : у 18 т. / рэдактар Г. П. Пашкоў. — Мінск, 2000. — Т.10. — С. 459.
- Мінчанка Мікола // Беларускія пісьменнікі : біябібліяграфічны слоўнік : у 6 т. / пад рэдакцыяй А. В. Мальдзіса. — Мінск, 1995. — Т. 6. — С. 646.
- Украінка, С. З вясною па жыцці / Сяргей Украінка // Клімуць, Я. Клімаўшчына літаратурная / Яраслаў Клімуць, Сяргей Украінка. — Клімавічы, 2007. — С. 21—27.
- Украінка, С. З вясною па жыцці / Сяргей Украінка // Клімавіцкія краязнаўчыя чытанні : зборнік матэрыялаў / Асацыяцыя краязнаўцаў малых мястэчак Магілёўшчыны. — Клімавічы, 2006. — С. 16—20.