Мікалай Міхайлавіч Федарэнка скончыў Магілёўскую гарадскую студыю выяўленчага мастацтва (1941).
Удельнік Вялікай Айчыннай вайны, франтавымі дарогамі прайшоў да Берліна. Пасля дэмабілізацыі вярнуўся ў Магілёў i заняўся творчай дзейнасцю.
З 1957 г. удзельнічаў у мастацкіх вернісажах.
Працаваў пераважна ў жанры індустрыяльнага і лірычнага пейзажу. Аўтар твораў "Бярозкі. Восень" (1960), "Апошнія промні" (1961), "Восень" (1962), "Пуск Чыгірынскай ГЭС" (1963), "Індустрыяльны матыў" (1965), "Калгасныя фермы" (1967), "Пачатак вясны" (1968), "Крычаўскі цэментны завод" (1971), "Магілёўская фабрыка штучнага валакна" (1971), "Мая Магілёўшчына" (1986) і інш. Яго творы вызначаюцца пластычнай завершанасцю, гарманічным каларытам, эмацыянальнай насычанасцю, ясным светаадчуваннем.
У 1962 г. прыняты ў члены Саюза мастакоў Беларусі.
1 верасня 2000 г. М.М. Федарэнка памёр.
Літаратура:
- Кавалёў, В. Памяці мастакоў-ветэранаў / Віктар Кавалёў // ЛіМ. — 2011. — 20 мая. — С. 23.
- Ножников, Н. "Вечерний Могилев" – на выставке / Николай Ножников // Вечерний Могилев. — 2002. — 1 февраля. — С. 5.
- Строгіна, С. Федарэнка Мікалай Міхайлавіч / Святлана Строгіна // Строгіна, С. Сучаснае выяўленчае мастацтва Магілёўшчыны : зборнік артыкулаў / Святлана Строгіна. — Мінск, 2009. — С. 161—162.
- Федарэнка Мікалай Міхайлавіч // Беларуская энцыклапедыя : у 18 т. / рэдактар Г. П. Пашкоў. — Мінск, 2003. — Т. 16. — С. 343.
- Федарэнка Мікалай Міхайлавіч // Беларускі саюз мастакоў : энцыклапедычны даведнік / складальнік Б. А. Крэпак. — Мінск, 1998. — С. 552.