Мікалай Уладзіміравіч Кірэеў скончыў Віцебскі педінстытут (1962).

1962–1971 гг. – працаваў на кафедры малюнка і музыкі Магілёўскага педагагічнага інстытута.

З 1988 г. – працаваў у Беларускім дзяржаўным тэатральна-мастацкім інстытуце (цяпер Беларуская дзяржаўная акадэмія мастацтваў).

Удзельнік мастацкіх выставак з 1965 г.

Працуе ў галіне тэматычнай карціны, партрэта, пейзажаў. Галоўнае ў творчасці – паэтычнае спасціжэнне народнага жыцця.

Член Беларускага саюза мастакоў з 1970 г.

1992 г. – М. Кірэеву было прысвоена званне "Заслужаны дзеяч мастацтваў Рэспублікі Беларусь". Лаўрэат прэміі Федэрацыі прафсаюзаў Беларусі.

2012 г. – загадчык кафедры "Малюнак, жывапіс, скульптура" архітэктурнага факультэта Беларускага нацыянальнага тэхнічнага ўніверсітэта.

Сярод твораў лірычныя камерныя пейзажы, жанравыя палотны, партрэты, нацюрморты: "Зімовы пейзаж" (1965), "Сям'я" (1970), "Доўгі дзень" (1981), "Прысвячэнне Я. Коласу" (1982), "Свята ў Заслаўі" (1983), "Сустрэча" (1989), "Спакуса" (1991), "Сон" (1998), "Галінка вінаграда" (1998), "Песня" (1998), "Галубіка" (2000), "Марозная раніца" (2002), "Зімовы дзень" (2005).

Аўтар партрэтаў мастакоў Л. Шчамялёва (1978), Н. Селяшчука (1983), паэта А. Русака (1983), "Ядвіга" (1988), "Дзяўчына з чырвонай кветкай" (2003), "Фа дыез" (2003); серай "Туманы" (1987), "Дзяўчынка з птушкай" (2000-2005).

Працы адрозніваюцца пластычнай яснасцю выяў, стрыманымі каляровымі рашэннямі, лірычнасцю і метафарычнасцю мастацкай мовы.

Літаратура:

  1. Жогла, Н. Пакінуць след на Зямлі… / Наталля Жогла // Культура. — 2007. — 24 лістапада. — С. 11.
  2. Кірэеў Мікалай Уладзіміравіч // Беларускі саюз мастакоў : энцыклапедычны даведнік / складальнік Б. А. Крэпак. — Мінск, 1998. — С. 260.
  3. Киреев Николай Владимирович // Республика Беларусь : энциклопедия :
    в 6 т. / редактор Г. П. Пашков. — Минск, 2007. — Т. 4. — С. 44.
  4. Ножников, Н. Николай Киреев. Снова в Могилеве / Николай Ножников // Веснік Магілёва. —2007. — 30 ноября. — С. 5.
  5. Строгіна, С. Кірэеў Мікалай Уладзіміравіч / Святлана Строгіна // Строгіна, С. Сучаснае выяўленчае мастацтва Магілёўшчыны : зборнік артыкулаў / Святлана Строгіна. — Мінск, 2009. — С. 83—85.
  6. Шаранговіч, Н. Сталасць творчасці, маладосць душы / Н. Шаранговіч // ЛіМ. — 2002. — 4 кастрычніка. —С. 11.