Міхаіл Іванавіч Кучынскі, гвардыі капитан, Герой Савецкага Саюза (1945).

Вучыўся ў Магілёўскім хіміка-тэхналагічным інстытуце, скончыў Тамбоўскую ваенную авіяцыйную школу лётчыкаў (1934), Вышэйшыя афіцэрскія лётна-тактычныя курсы (1947).

Працаваў на заводзе штучнага валакна.

1932 – у Чырвонай Арміі.

1943 – ваяваў на Бранскім, Цэнтральным, Беларускім, 1-м Беларускім франтах. Удзельнічаў у Арлоўскай наступальнай аперацыі, вызваленні Украіны, Беларусі (у тым ліку Бабруйска, Асіповіч), прымаў удзел у Варшаўска-Познанскай, Усходне-Памеранскай, Берлінскай стратэгічных наступальных аперацыях.

1943 г., 24 жніўня – узнагароджаны ордэнам Чырвонага Сцяга.

1943 г., 28 кастрычніка – другі раз узнагароджаны ордэнам Чырвонага Сцяга.

1944 г., 2 сакавіка – узнагароджаны ордэнам Айчыннай вайны 2 ступені.

1944 г., 4 ліпеня – узнагароджаны трэцім ордэнам Чырвонага Сцяга.

1945 г., 6 лютага – узнагароджаны ордэнам Аляксандра Неўскага.

1945 г., 24 сакавіка – прысвоена званне Героя Савецкага Саюза і ордэн Леніна за ўзорнае выкананне баявых заданняў камандавання на фронце барацьбы з нямецкімі захопнікамі і праяўленыя пры гэтым адвагу і геройства.

Пасля вайны працягваў службу ў Ваенна-паветраных сілах.

1959 – падпалкоўнік.

Да 1978 г. працаваў начальнікам цэха на заводзе ў г. Растоў-на-Доне (Расія).